話說我高中預科都係靠咁樣學返堆詞語。嗰陣英文剪報係功課，要我哋寫5個生字、summary同埋commentary，但係我成日都一下揼成廿幾三十個生字出嚟，再加返段summary就算。有幾次個老師應該都激鬼氣，喺我份功課下低用英文寫「我知你好努力學緊生字，但係我都好想睇下你對篇新聞有咩感受囉。」

我而家學法文都有感自己詞彙唔夠（喂，學咗六年喇你！），我都自己搵法文新聞咁樣做。但係我專搵D搞笑嘅soft news或者真係好轟動嘅新聞嚟做。反正而家冇時限，我可以慢慢做。