話說我外甥女今年三歲，乳名小f（冇錯，就係英文字母F）。上年佢入N班嘅時候佢學校話要小朋友改個英文名。佢呀媽，即係我家姐話要我幫佢改個F字頭嘅英文名。

嗰陣先發現原來好難（因為我個陣諗嘅係要個兩歲細路讀得到，仲要唔難串，仲要希望佢可以用成世就最好）。

結果我自己上網搵到D咩Fiona、Florence、Francesca、Freya、Flora、Frances、Felicity、Faye、Finley、Faith，甚至Fatima同Fernanda都俾我自己ban哂。🤦‍♂️

家姐仲搵到Farah、Farren同Fleur，不過好似冇後續。

跟住我老母話：「Flower咪得囉！」我只可以心諗，老母你唔好改壞人個名。

所以我外甥女好似都係冇官方英文名，而我老母應該用Flower叫我外甥女叫到自己都頂唔順，叫咗幾次之後都冇再叫過。

（其實我家姐當時係話：「你求其改喇，我預咗佢大個會自己改過㗎喇。」）