所以我心入面成日都話呀靚慧（KisaBBB）係我認識嘅人之中最願意用自己嘅努力（甚至勞力）去換取佢樂意接受嘅成果嘅。
佢做Youtuber其實有好多片儲落要剪（剪哂之後佢會放自己一陣大假先）。
讀Bachelor嗰陣我會同同學開溫習班，佢係最踴躍嗰個，佢都講過：「我本身中中出身，中五畢業。決定讀返書之後喺pre asso全英文都好難追，好彩嗰陣班同學都好好人，我有咩唔識、跟唔切我都會問，佢哋都會教返我。係呀，我都知呢科係好難，我好多都唔識，咁我咪努力D囉。」
佢呢種態度我真係甘拜下風。係喎，以我所知，當年除咗first hon嗰幾個會成日摺喺圖書館之外，就係靚慧會去摺喺嗰度溫書溫成日。