有冇諗過潘朵拉盒子式攬炒？

冷氣軍師亂噏嘢

Photo by Eric Prouzet on Unsplash

嗱，香港而家俾個垃圾政府，俾中共搞到幾垃圾其實盲嘅都睇到㗎喇（好似係）。

去到而家，示威者係咁俾中共屈係極端主義兼恐怖主義，班信中國信到十足十嘅騎呢怪當然信哂，仲話要出嚟「保家衛國」，打到班黃絲攤攤腰。

亦都係咁，而家打住「反攬炒」嘅幌子出嚟打人、打壓係唔會受到任何刑事責任嘅。呢D暴力販冰兵、西北牛屎佬、藍絲、福建幫等人點樣嘅行為暴力，連同中共、港共嘅制度暴力，都會俾人嘉許，或者有人默許，唔會有咩衰嘢要負擔。

所以，以我理解，同樣係玩極端主義嘅話，只要你反對政府（哪怕只係某一個政策都好），你一定會俾支持政府嘅垃圾打；但係玩極端主義嚟支持政府嘅話呢，你有機會會得到共產黨政權嘅支持。

而家，黃絲就不斷話攬炒係令香港贏嘅策略，咁樣固然嚇咗共產黨一下，所以共產黨就不斷喺度宣傳「拒絕攬炒」呢四隻大字，更加歡迎所有人用呢四隻字做名號，逼迫班黃絲屈服。

有見及此，我會建議，香港嘅黃絲係時候要分裂：唔該，要一班偽紅絲，以「拒絕攬炒」為名，逼中共攬炒。人數仲唔可以少，否則呢種方法攬炒唔到。

Images from The pigeon Gazette.

我propose嘅呢個玩法叫「潘朵拉盒子式攬炒」，當然就係攞最邪惡嘅嘢出嚟喇。邪惡到點呢要？咁梗係要攞D歷史上著名引戰/引起大亂嘅idea出嚟喇。

咁究竟要點做呢？請睇。

1. 「全力支持國歌法、廿三條立法」：唉呀，眼見議會抗爭都係做唔到㗎喇，我哋而家應該要支持政府消滅剩餘嘅反對聲音，國家嘅威嚴點可以俾呢D少數份子破壞㗎？
2. 「向1967年反英抗暴先烈/先賢學習/致敬」：呢句唔只要寫出嚟，仲要做出嚟。讀過香港史就算好皮毛都應該知道係點，不贅。不過呢次要寫就學我老豆話齋，寫「抗暴撐中」。嗱，呢個係愛國嘅行動嚟㗎，你班左仔唔支持即係你哋唔愛國呀。
3. 「支持警察嚴正執法」、「向香港警察致敬」：啱啱睇完梁啟智先生篇文，知道警察其實生活喺一個同普通市民平行嘅時空。既然大家都知佢哋唔打算醒，咁我哋一於做個平行時空出嚟俾佢哋。不過以大家所睇到嘅事實，你點樣做上一點都應該唔會有事。至於致敬呢，呢…