點睇三年之後嘅自己？

Interview點解要問D咁嘅問題？

話說我想轉工都好耐，咁最近我都好hea咁send咗幾張CV出去（喺JobsDB send出去算唔算hea？）。然後都有兩三間有回音，叫我過去做written test同埋interview下咁。

Photo by LinkedIn Sales Navigator on Unsplash

都好正常呀，我見嘅都係同language相關嘅工作。話哂language底，想做嘅又係同語文相關嘅工種，有written test都好正常。咁見工有interview都好正常，我喺六年前見補習社呢份工都有interview，仲好爽快咁請咗我㖭。都好多謝我公司個大頭嘅，當年一in就請。

所以即係話，其實呢次見工我係見緊我人生第二份長工。而呢排in我嘅公司，其中一間係中環嘅國際大公司。

好好彩咁，間國際大公司佢哋HR第一次打嚟搵我嗰陣，我咁啱day off行緊沙田藍店IKEA。我估，呢個係佢哋第一輪嘅screening。斷估都係個HR好簡單咁skim過我張CV問下個問題咁，咁無非都係D「點解要轉工」呢D問題咁啫。咁樣傾咗八分幾鐘，我都相信咁長嘅電話HR應該都可以screen到個candidate適唔適合嘅。

咁去到最後，我地都傾掂個interview時間：之後個day off嘅下晝。

Photo by Vincent Guth on Unsplash

OK喇，總之我去就係喇。

粉嶺係個結界，無論我要去邊度都好，我都要用成粒鐘先去到嘅，包括上水。

嗰日碌咗成粒鐘過海巴士去到中環，仲要搵路過去嗰間公司（需知我唔熟中環）。呢部分唔講咁多，總之冇蕩失路，都係直接去interview嗰個section喇。

咁去到interview首先都係填返堆資料先，跟住就做個written test，然後再同個department個呀頭傾下計，再搵HR講多陣嘢就走得。

個written test呢，多得我而家呢份工，我好似改簿咁做就差唔多㗎喇，只不過就真係有D challenge位嘅：例如真係有D不知所云嘅位喇，或者係咁啱要我改嘅位係有嘢遮住咗我睇唔到喇咁樣。

咁之後就交卷俾人改，改完就輪到要請人個department有人（兩個）嚟搵我傾計。