2018 Medium個人文章排行榜
本人文章中Read Ratio最高同最低嘅Top 10（截至2018年12月29號）
雖然我都唔係好明點解一到年尾就要出成績表咁款，但係都有人做，咁點都要盤點清貨，等大家多多支持下自己嘅文嘅。同埋都係一個好好嘅時候分析下自己有D咩文喺大家眼中係比較出色／直頭毒藥。
咁大家都知道Medium中文文章有bug，個閱讀時間係假㗎喇。個View可能會呃到人，但係真係會睇落去嘅就落Read嗰度嘅數字。所以我決定用Read Ratio嚟睇。
首先，就睇下最低嗰十個先。有部分我覺得冇人睇都唔可憐嘅。
10. 講翻譯似乎係冇人睇。
9. 講明膠嘅，冇人睇好正常呀。
8. 呢篇，一嚟近期，二嚟又係譯，真係少人睇。
7. 呢篇太癲，不如俾佢沉底？
6. 英文係另一個毒藥。
5. 同上。
4. 英文+翻譯=冇人睇
3. 搞錯呀，呢篇文竟然少人睇到要落劉江華咁滯？
2. 呢篇出咗半個月嘅時間，我覺得可以引多D人嚟睇嘅。
- 十年前嘅文，分數又唔高，你地睇唔睇事旦喇。
種括嚟講，英文、翻譯、膠嘅題材真係冇人睇。
咁跟住就到大家都鐘意去睇嘅文。
10. 睇嚟大家都好鐘意睇短文。都係嘅，我post上publication嘅文通常都會分段分得清楚少少嘅。
9. 你班仆街，你哋真係想睇我爛肺㗎喎。
8. 講返讀大學讀書。但係原來得個睇字，冇人clap嘅。
7. 因為做fyp做到唔想做嘢就開始咗喺Medium打文。第一篇，即係擺咗最耐嗰篇，都只係得第七。
6. 跟班鬼仔落老蘭（未到）竟然咁多人睇。
5. 睇嚟大家都好想出國，我講讀U嗰陣搞幾耐先去到intern竟然咁多人睇。
4. 食煙都唔係D咩特別嘢啫，大個咗之後覺得。（其實我可以寫第三篇，但係我唔想）
3. 跟班鬼仔落老蘭（嘅隔離）竟然咁多人睇。其實之後我有跟班鬼仔落多咗次中環，另外俾個鬼仔坤咗再落多次老蘭，都係覺得好鬼悶。落酒吧我都係落返Soho罷喇。
2. 雖然我嘅目標係做煙剷，但係你哋咁樣睇我法，我有D驚。但係其實我食煙嘅數量都係冇乜點多到。有時都仲係會幾日唔食。所以我離呢個目標好遠。
- 去到最多人讀（但係都係冇乜人clap）嗰篇，始終都係講返住大學宿舍有幾開心。而家返咗屋企住冇得再咁喇。
總括嚟講，講生活嘅文會有多D人睇。似乎大家都好鐘意風花雪月。莫非我以後都當呢度係blog就得？
咪住，最多人睇嘅top 10絕大部分都係免費文，難怪多人睇。
展望2019年，我好大機會會去幾個月working holiday（不過我應該係搵到工先定係去咗嗰度先？），到時我又應該有好多文可以post。
另外，我覺得我始終都係語文科畢業，咁我都想將我識嘅嘢分享俾人。所以我仲有好多linguistics文嘅貨可以出，不過就要等下喇。
同埋我由二月開始，直到而家，我終於喺呢度發掘到自己post文嘅速度：約莫一個禮拜一篇應該冇問題。不過我呢D蛋黃哥嘅性格，我成日都想放假，我盡量出喇。
去到最後，其實我仲有咁多文想打，希望大家繼續支持下小弟。（我而家Partner Programme都只係每個月賺3 USD左右㗎咋）
祝大家新年進步。
