醒起你窮就實得。

我19年二月去英國之前剪咗次，之後我都五月先再剪，八月working holiday完咗返到香港即剪。三個月先剪頭髮簡直破記錄 。

我剪之前刻意問同事我係咪要剪頭髮，佢哋話「絕對要喇」之後我問佢哋有咩好介紹，佢哋介紹咗我公司隔離間Tony & Guy俾我，仲話嗰度有個髮型師喺香港移民過嚟嘅。

剪頭髮嗰日唔係呢位香港人同我剪，但係都有傾咗幾句（用英文，因為有英國人同事在場，而且人哋都移民咗過嚟好多年無謂講中文），佢哋仲有嘢俾我飲。

剪完埋單盛惠£47。